काठमाडौं– गण्डकी प्रदेशका पूर्वमन्त्री तथा प्रदेशसभा सदस्य राजीव गुरुङ (दीपक मनाङे) पक्राउ परेका छन् ।
प्रहरीले उनलाई आज काठमाडौंको सानोभर्याङबाट पक्राउ गरेको हो । कात्तिक २० गते सर्वोच्च अदालतले उच्च अदालत पाटनले गरेको पाँच वर्ष कैद सजायको फैसलालाई सदर गरेपछि मनाङे पक्राउ परेका हुन् । सर्वोच्चले उनलाई ज्यान मार्ने उद्योगमा दोषी ठहर गरेको थियो ।
प्रहरीले मनाङेलाई आजै अदालतमा पेस गर्ने तयारी गरेको छ ।
२०८१ कार्तिक २७, मंगलवार ११:३५मा प्रकाशित
